خمسين سنة واكتر
"ف" إديّا قيد
وشايفكم مدى
وزئير ..
وصخب ..
وجبال "م" اليأس
أنين ومتبعتر
بين الصدى
والصوت
مخطوفة فيّا الروح
ايه ..
مرجيحة زمن يا دنيا
مين عينه بصيرة
يعرف طريقى "ف" مخبئى
يمسح من جبينى المستخبى
دهشتى ،
ولون العذاب ؟
يا امّى ،
ومجدولة لوعة القلب المقطوع
مشروخ الجدار ،
ومش بيدّى
خشنة الأدين اللى
بتهد النهار
يا حضن مقفول على همه
وحيد فى ليل / الوحشة
جوايّا ،
وبينحنى وشى
ويفضل مستعار .